Siz evdə (mənzildə və ya fərdi yaşayış evində) formal olaraq qeydiyyatda olan, lakin faktiki yaşamayan və mənzildən istifadə hüququ olmayan şəxsin qeydiyyatdan çıxarılması üçün ilk öncə ərazi üzrə polis idarəsinə müraciət etməlisiniz.

Əgər polis idarəsi həmin şəxsin qeydiyyatdan çıxarılmasından imtina edərsə, siz polis idarəsindən imtina cavabı aldıqdan sonra iddia ərizəsi ilə inzibati məhkəməyə müraciət edə bilərsiniz. Bununla da inzibati məhkəmə mənzildə qeydiyyatda olan kənar şəxsin qeydiyyatdan çıxarılması öhdəliyini polis orqanının üzərinə qoya bilər.

İnzibati mübahisələr üzrə iddiaçılar dövlət rüsumundan azaddırlar. Polis idarəsinə ərizə və məhkəməyə iddia ərizəsinin hazırlanması üçün bizə müraciət edə bilərsiniz.