Kredit müqaviləsi üzrə borc alan kredit ödənişlərini ödəmirsə, bank həm borc alanı, həm də zamini məhkəməyə verə bilər.

Mülki Məcəllənin 477-ci maddəsinə əsasən zaminlik müqaviləsində başqa hal nəzərdə tutulmayıbsa, kredit müqaviləsinin müddətinin bitməsindən 1 il keçdikdə bank zaminə qarşı məhkəmədə iddia qaldıra bilməz.

Məsələn, tərəflər arasında 2 illik kredit müqaviləsi bağlanılıb. Müqavilənin müddəti bitib və üzərindən 1 il keçib. Bu zaman bank borcun ödənilməsini tələb etmək üçün zamini və ya zaminləri məhkəməyə verə bilməz.