Nikaha daxil olanadək ər-arvada məxsus olan əmlak, habelə nikah dövründə hədiyyə şəklində və ya vərəsəlik qaydasında əldə etdikləri əmlak ər-arvadın hər birinin ayrıca mülkiyyətindədir. Həmin əmlak ər-arvadın birgə mülkiyyəti sayılmadığı üçün boşanma zamanı onlar arasında bölünə bilməz.

Lakin ər-arvaddan hər birinin əmlakı o halda onların birgə mülkiyyəti sayıla bilər ki, nikah dövründə ərin (arvadın) şəxsi əmlakı hesabına həmin əmlakın dəyərini əhəmiyyətli dərəcədə artıran vəsait qoyulduğu (əsaslı təmir, yenidənqurma, yeni avadanlıqla təchizetmə və i.a.) müəyyənləşdirilsin. Bu halda tərəflərdən biri digərindən pay və ya kompensasiya tələb edə bilər.