Ana uşaqla görüşə (ünsiyyətə) imkan verməsə də, maneçilik yaratsa da, bu hal uşağın saxlanması üçün nəzərdə tutulmuş alimentin ödənilməməsinə əsas ola bilməz və alimenti hər bir halda ödəməlisiniz. Hansı səbəbə görə alimenti ödəməməyinizdən asılı olmayaraq məsuliyyətə cəlb oluna bilərsiniz.

Əgər ana uşaqla görüşünüzə şərait yaratmırsa, uşaqla ünsiyyət tələbinə dair məhkəmədə iddia qaldıra bilərsiniz. Məhkəməyə müraciət etməzdən əvvəl mediasiya prosesindən keçməlisiniz. Uşaqla ünsiyyət qaydalarına dair aranızda razılıq əldə edilməzsə, “uşaqla ünsiyyət” tələbinə dair iddia ərizəsi ilə məhkəməyə müraciət edə bilərsiniz. Mediasiya xərci 60 manat, məhkəmə üçün dövlət rüsumu 50 manat təşkil edir.

Mediasiya və məhkəməyə ərizə və iddia ərizəsinin hazırlanması üçün bizə müraciət edə bilərsiniz.