Xeyr. Belə ki, qadın işçilərə hamiləliyə və doğuma görə verilən ödənişli məzuniyyətin müddəti doğumdan əvvəl 70 təqvim günü, doğumdan sonra 56 təqvim günüdür. Bu müddət uşaqların sayından və çətin doğumdan asılı olaraq artırıla bilər.

Bu müddətdə işçiyə əmək haqqı ödənilmir, müavinət ödənilir.

Müavinəti almaq hüququ ən azı 6 ay sosial sığorta stajı olan şəxslərə şamil edilir. Hamiləliyə və doğuma görə müavinət xəstəlik vərəqəsinə əsasən təyin olunur.

Müavinətin ümumi məbləği gündəlik müavinətin məbləğinin hamiləliyə və doğuma görə məzuniyyət dövründəki iş günlərinin sayına vurulması ilə hesablanır.

Müavinət işəgötürən tərəfindən deyil, Dövlət Sosial Müdafiə Fondu tərəfindən ödənilir.