Xeyr. Qanunvericilikdə xəyanətə görə təzminat (pul) tələb etmək barədə müddəa mövcud deyil.

Nikah xəyanət səbəbi ilə pozulsa belə, qanunda buna görə heç bir təzminat nəzərdə tutulmamışdır. Həmçinin məhkəmələrdə boşanmalar zamanı xəyanətin motivi nəzərə alınmır və mənəvi zərər məsələsinə baxılmır.

Azərbaycanda yalnız tərəflər arasında nikah müqaviləsi olarsa və bu müqavilədə xəyanətə görə təzminatla bağlı müddəa qeyd edilərsə, bir tərəf digər tərəfdən ona vurulan maddi və ya mənəvi zərərin əvəzini tələb edə bilər.