Qumar oyunlarında iştirak etdiyiniz üçün inzibati məsuliyyətə cəlb edilə bilərsiniz.

Belə ki, İnzibati Xətalar Məcəlləsinin 525-ci maddəsinə əsasən qumar oyununda iştirak etmə, yəni qumar oynamağa görə oyun ləvazimatı, habelə qumara qoyulmuş pul vəsaitləri və ya digər əmlak, qazanılmış uduş, mükafat və ya digər gəlir müsadirə edilməklə 3000 manat məbləğində cərimə nəzərdə tutulur.

“Qumar oyunu” dedikdə, pul vəsaitləri, maddi və sair nemət (uduş) barəsində oynanılan və uduşu qeyri-müəyyənlikdən və ya təsadüfdən asılı olan oyunlar (o cümlədən mərclər) başa düşülür.

Qanunvericiliyə uyğun təşkil edilən və keçirilən lotereyalar, idman mərc oyunları, habelə kazino oyunları qumar sayılmır.