Məişət zorakılığına məruz qalmısınızsa, bunun üçün yerli icra hakimiyyətinə müraciət edərək qısamüddətli mühafizə orderi ilə təmin oluna bilərsiniz.

Yerli icra hakimiyyətinə müraciət edilən vaxtdan 24 saat ərzində zorakılığı törədən şəxsə xəbərdarlıq edilir və dərhal zərər çəkmiş şəxsə 60 gün müddətinədək qısamüddətli mühafizə orderi verilir.

Məişət zorakılığı törətmiş şəxs verilmiş xəbərdarlığa və qısamüddətli mühafizə orderinin tələblərinə əməl etmədikdə, zərər çəkmiş şəxs, yerli icra hakimiyyəti orqanı və ya prokuror uzunmüddətli mühafizə orderinin verilməsi üçün məhkəməyə müraciət etmək hüququna malikdir. Uzunmüddətli mühafizə orderi 60 gündən 180 gün müddətinədək verilir.

Mühafizə orderinin əldə edilməsinə hüquqi yardım göstərilməsi üçün bizə müraciət edə bilərsiniz.