İnzibati Xətalar Məcəlləsinin 521-ci maddəsinə əsasən gecə vaxtı saat 24-dən 7-dək mənzillərdə, yaşayış evlərinin girişlərində və həyətlərində, küçələrdə, istirahət yerlərində və digər ictimai yerlərdə səs-küy salmaq, ucadan mahnı oxumaq, musiqi alətlərini ucadan çalmaq, televizorları, radioqəbulediciləri, maqnitofonları və digər aparatları gur səslə oxutmaq, məişət səs-küyünə qarşı mübarizə tələblərini başqa üsulla pozmaq inzibati məsuliyyətə səbəb olur.

Bu əməli törədən fiziki şəxslər barəsində 150 manatdan 200 manatadək məbləğdə, vəzifəli şəxslər barəsində 2000 manatdan 2500 manatadək məbləğdə cərimə nəzərdə tutulur.

Belə hallarla rastlaşdıqda təsdiqedici sübutlarla polisə müraciət edə bilərsiniz.