Xeyr. Belə ki, Mənzil Məcəlləsinə əsasən MTK binanı tikib mənzilləri təhvil verdikdən sonra idarəetmədən tamamilə çıxmalıdır. Bunun əvəzinə, bina sakinləri bir araya gələrək Mənzil Mülkiyyətçilərinin Müştərək Cəmiyyətini (MMMC) yaratmalıdırlar.

Bu cəmiyyət Ədliyyə Nazirliyində qeydiyyatdan keçdikdən sonra mülkiyyətçilərin hüquqlarını təmsil edir, habelə komendantın nə qədər pul toplaması və idarəetmə ilə bağlı qərarları qəbul edir. Toplanılan məbləğ, əsasən, hər bir mənzilin kvadrat metri ilə mütənasib olaraq mülkiyyətçilər arasında bölüşdürülür. Bu cür cəmiyyət olmayan yaşayış binalarında isə idarəçilik hər bir mənzil mülkiyyətçisinin özü tərəfindən həyata keçirilir.