Cinayəti törətdiyi gündən ittiham hökmünün qanuni qüvvəyə mindiyi anadək qanunla müəyyən edilən müddətlər keçdikdə (cinayətlərin təsnifatına uyğun olaraq), şəxs cinayət məsuliyyətinə cəlb edilə bilməz:

- böyük ictimai təhlükə törətməyən cinayətlər üzrə 2 il;
- az ağır cinayətlər üzrə 7 il;
- ağır cinayətlər üzrə 12 il;
- xüsusilə ağır cinayətlər üzrə isə 20 il.

Cinayət məsuliyyətinə cəlb etmə müddətləri keçdikdə, şəxs barəsində cinayət təqibi başlana bilməz, başlanmış cinayət təqibinə isə xitam verilməlidir.

Qanunvericiliyə əsasən, aşağıda qeyd olunan cinayətləri törətmiş şəxslər müddətin keçməsi ilə əlaqədar cinayət məsuliyyətindən azad edilə bilməz.

- sülh və insanlıq əleyhinə (CM 100-113);
- müharibə cinayətləri (CM 114-119);
- terrorçuluq (CM 214);
- terrorçuluğu maliyyələşdirmə (CM 214-1).

Şəxs yeni cinayət törətdikdə, hər bir cinayətə görə müddət müstəqil hesablanır.