Bəli. “İpoteka haqqında” Qanuna əsasən əgər ipoteka predmetinin satılmasından əldə olunan vəsait əsas öhdəlik üzrə borcun banka tam ödənilməsinə kifayət edirsə, ipoteka qoyan ipoteka predmeti olan evi sata bilər. Bu halda bankın razılığı tələb edilmir.

Bunun üçün ipoteka qoyan, yəni əmlakı satan şəxs bankdan əsas öhdəliyin həcmi barədə (yəni qalıq borc barədə) arayış alır, notariusa təqdim edir.

Notarius isə ipotekada olan evin satılması nəticəsində əldə olunan vəsaitdən ipoteka borcunu çıxıb bankın hesabına köçürür, yerdə qalan vəsait isə satıcıya ödənilir.