Bəli. Mülki Məcəllənin 1166-cı maddəsinə əsasən şəxs öz əmlakını və ya onun bir hissəsini həm vərəsələr sırasından, həm də kənar adamlar sırasından bir və ya bir neçə şəxsə qoya bilər.

Mülki Məcəllənin 1193-cü maddəsinə əsasən vəsiyyət edənin uşaqlarının, valideynlərinin və arvadının (ərinin) vəsiyyətnamənin məzmunundan asılı olmayaraq mirasda məcburi payı vardır. Bu pay qanun üzrə vərəsəlik zamanı onlara çatası payın yarısını (məcburi pay) təşkil etməlidir.

Belə ki, atanız vəsiyyətnamə üzrə evini qardaşınıza vəsiyyət etsə belə, həmin evdə sizin də məcburi pay hüququnuz vardır.