Nikahın pozulması üçün tələb olunan mediasiya xərci 60 AZN, məhkəmə üçün dövlət rüsumu isə 50 AZN təşkil edir.

Əgər ər-arvadın yetkinlik yaşına çatmayan ümumi uşaqları yoxdursa, nikaha onların razılığı əsasında müvafiq rayon (şəhər) üzrə qeydiyyat şöbəsində və ya ASAN Xidmət Mərkəzində yerləşən qeydiyyat şöbəsində xitam verilə bilər.

Yetkinlin yaşına çatmayan uşaq varsa, mütləq mediasiya və məhkəmə olmalıdır.

Nikahın pozulması üçün ilkin olaraq mediasiyaya müraciət etmək tələb olunur. Mediasiya prosesində tərəflər arasında barışıq əldə olunmadığı halda ər və ya arvad “nikahın pozulması tələbinə” dair iddia ərizəsi ilə məhkəməyə müraciət etməlidir.

Nikahın pozulması zamanı tələb olunan sənədlər:
nikah haqqında şəhadətnamənin əsli;
uşağın (uşaqların) doğum haqqında şəhadətnaməsinin surəti;
tərəflərin şəxsiyyət vəsiqələrinin surəti;
mediasiya arayışı;
mediasiya xərclərinə dair qəbz; dövlət rüsumunun ödənilməsinə dair qəbz.