Bunun üçün su, qaz və elektrik enerjisinin istehlakçısı ilk öncə həmin kommunal xidmətləri göstərən quruma (ADSEA (Azərsu), Azəriqaz və Azərişıq) müraciət etməlidir və hesablanmış kommunal borcun nə üçün yaranması aydınlaşdırılmalıdır.

Müraciətə 15 iş günü, əlavə araşdırılma tələb olunarsa, 30 iş günü müddətində baxılmalıdır. Əgər həmin müddət ərzində müraciətə cavab verilməzsə, istehlakçı Antiinhisar və İstehlak Bazarına Nəzarət Dövlət Agentliyinə müraciət edə bilər.

Əgər həmin quruma da müraciət müsbət nəticə verməzsə, “əsassız hesablanmış kommunal borcun silinməsi” tələbinə dair iddia ərizəsi ilə məhkəməyə müraciət edə bilərsiniz.

İstehlakçılar məhkəməyə dövlət rüsumunu ödəməkdən azaddır.